Rheolwr Prosiect
Caerdydd neu Landudno (gweithio hybrid)

Amdanom Ni

Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.

Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.

I wneud hyn, rydym yn arwain ar ddatblygu a rheoleiddio'r gweithlu gofal cymdeithasol, gwella gwasanaethau, data ac ymchwil i wella gofal.

Rydym nawr yn chwilio am Reolwr Prosiect i ymuno â ni ar gontract tymor penodol 12 mis gyda'r posibilrwydd o estyniad. Cynigir y rôl hon gydag opsiynau gweithio hyblyg, a byddwn yn ystyried ymgeiswyr fel rhan o rannu swydd. Byddwn hefyd yn ystyried secondiadau.

Mae'n rhaid i chi fod wedi eich lleoli yn y DU i wneud cais am y rôl hon ac yn gallu ymweld ag un o'r swyddfeydd datganedig yn ôl yr angen.

Y Manteision

- Cyflog o £49,698 - £54,687 y flwyddyn
- 28 diwrnod o wyliau ynghyd â gwyliau banc
- Cynllun pensiwn llywodraeth leol
- Polisi gwaith hyblyg
- Gweithio hybrid o gartref a'n swyddfa yn ôl yr angen
- Polisi absenoldeb teuluol

Y Rôl

Fel ein Rheolwr Prosiect, byddwch yn cymryd perchnogaeth o bortffolio amrywiol o brosiectau digidol, data a thechnoleg a gynlluniwyd i wella sut mae gofal a chymorth yn cael eu darparu ledled Cymru.

Gan gymhwyso eich arbenigedd rheoli prosiectau, byddwch yn diffinio, cynllunio a chyflawni prosiectau sy'n llunio offer ac adnoddau arloesol i hyrwyddo ein huchelgeisiau digidol a data, gan sicrhau bod gwaith yn cael ei gyflawni ar amser, o fewn y gyllideb ac i safon eithriadol.

Ar yr un pryd, byddwch yn datblygu perthnasoedd cynhyrchiol yn weithredol â rhanddeiliaid allweddol ar draws y dirwedd gofal cymdeithasol, gan hyrwyddo ein gwaith digidol a data a chryfhau cydweithio. O fewn y rhwydweithiau hyn, byddwch yn defnyddio mewnwelediadau data i lywio penderfyniadau a chyflawni atebion sy'n ymateb i anghenion esblygol y sector.

Amdanoch Chi

Er mwyn i chi gael eich ystyried yn Rheolwr Prosiect, bydd angen:

- Profiad o weithio mewn rôl cyflawni prosiectau
- Dealltwriaeth o reoliadau Diogelu Data perthnasol a rheoli diogelwch data
- Dealltwriaeth o gyd-destun polisi Cymru a sut mae gofal cymdeithasol yn cael ei drefnu, ei ariannu a'i ddarparu yng Nghymru
- Sgiliau arweinyddiaeth, cyfathrebu ac ymgysylltu â rhanddeiliaid rhagorol
- Gradd berthnasol neu lefel dda o addysg wedi'i chefnogi gan brofiad sylweddol

Y dyddiad cau ar gyfer ceisiadau yw dydd Gwener 7fed Tachwedd 2025 ac mae'n debyg y bydd cyfweliadau'n cael eu cynnal ddydd Iau 20fed Tachwedd 2025.

Gall sefydliadau eraill alw'r rôl hon yn Rheolwr Rhaglen, Rheolwr Cyflawni, neu Reolwr Prosiect Digidol.

Gellir gwneud addasiadau yn ystod unrhyw ran o'r broses recriwtio ar gyfer ymgeiswyr ag anabledd, nam neu gyflwr iechyd, sy'n niwro-wahanol neu sy'n defnyddio Iaith Arwyddion Prydain. Cysylltwch â’r tim Adnoddau Dynol i drafod addasiadau ar gyfer unrhyw ran o'r broses.

Felly, os ydych chi am ddefnyddio'ch arbenigedd rheoli prosiectau i wneud gwahaniaeth fel Rheolwr Prosiect, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Gwasanaethau Asiantaeth Gyflogaeth yw'r gwasanaethau a hysbysebir gan Webrecruit.

Cyfarwyddwr Cynorthwyol Cyfathrebu Strategol, Ymgysylltu a Pholisi
Caerdydd a Chyffordd Llandudno, Cymru (gyda gweithio hybrid)
Cymraeg Hanfodol

Mae Gofal Cymdeithasol Cymru'n chwilio am unigolyn talentog i arwain ar ein cyfathrebu, ymgysylltu â rhanddeiliaid, safonau gwasanaeth cwsmeriaid a mewnwelediadau. Bydd y rôl hon yn gweithio ar lefel genedlaethol, gan helpu i lunio dyfodol gofal cymdeithasol yng Nghymru.

Amdanom ni

Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a'r blynyddoedd cynnar yng Nghymru.

Ein gweledigaeth yw gwneud gwahaniaeth cadarnhaol i ofal a chymorth i blant, oedolion a'u teuluoedd a'u gofalwyr.

I wneud hyn, rydym yn arwain ar ddatblygu a rheoleiddio'r gweithlu gofal cymdeithasol, gwella gwasanaethau, data ac ymchwil i wella gofal.

Rydym nawr yn chwilio am Gyfarwyddwr Cynorthwyol Cyfathrebu Strategol, Ymgysylltu a Pholisi i ymuno â ni’n barhaol. Cynigir y rôl hon gydag opsiynau gweithio hyblyg, a byddwn yn ystyried ymgeiswyr fel rhan o rannu swydd.

Y Manteision

- Cyflog o £68,156 - £76,547 y flwyddyn
- 28 diwrnod o wyliau ynghyd â gwyliau banc (pro rata)
- Cynllun pensiwn llywodraeth leol
- Polisi gwaith hyblyg
- Gweithio hybrid o gartref a'n swyddfa yn ôl yr angen
- Polisi absenoldeb teuluol

Y Rôl

Fel Cyfarwyddwr Cynorthwyol Cyfathrebu Strategol, Ymgysylltu a Pholisi, byddwch yn arwain ein dulliau strategol o gyfathrebu allanol, ymgysylltu â rhanddeiliaid, rheoli perthynas â chwsmeriaid a’n mewnwelediad i bolisi.

Byddwch yn gweithio gyda'r Tîm Gweithredol a'r grwp arweinyddiaeth i gyflawni ein gweledigaeth strategol, llywio negeseuon sefydliadol, a datblygu perthnasoedd cydweithredol dibynadwy â rhanddeiliaid allweddol.

Yn benodol, byddwch yn:

- Arwain y gwaith o gyflawni ein strategaeth farchnata a chyfathrebu
- Goruchwylio sut rydym yn ymdrin ag ymgysylltu â rhanddeiliaid, gwasanaeth cwsmeriaid, a chyfathrebu mewnol
- Darparu cyngor a briffiau i'r Prif Weithredwr a'r Tîm Rheoli Gweithredol
- Cydlynu ymatebion i ymgynghoriadau Llywodraeth Cymru a'r Senedd
- Cynrychioli Gofal Cymdeithasol Cymru mewn fforymau allanol yn ogystal â'r cyfryngau
- Cydweithio ag arweinwyr y sector i godi proffil gofal cymdeithasol a'r blynyddoedd cynnar yng Nghymru

Amdanoch Chi

Er mwyn i ni eich ystyried yn Gyfarwyddwr Cynorthwyol Cyfathrebu Strategol, Ymgysylltu a Pholisi, bydd angen y canlynol arnoch:

- Profiad profedig o ddatblygu strategaethau ymgysylltu a chyfathrebu effeithiol
- Profiad o gynghori uwch arweinwyr a llywio materion polisi cymhleth
- Gwybodaeth strategol am dirwedd wleidyddol a gofal cymdeithasol Cymru
- Tystiolaeth o ddatblygiad proffesiynol parhaus
- Y gallu i adeiladu partneriaethau cryf gydag ystod eang o randdeiliaid
- Sgiliau arweinyddiaeth, dylanwadu a chyfathrebu cryf
- Y gallu i arwain timau, rheoli amwysedd a gyrru newid strategol
- Cymhwyster(au) proffesiynol neu brofiad cyfatebol mewn maes perthnasol

Sylwch os gwelwch yn dda, mae sgiliau Cymraeg yn hanfodol ar gyfer y rôl hon, ni fyddwch yn cyrraedd y rhestr fer os na fyddwch yn bodloni'r meini prawf yma.

Y dyddiad cau ar gyfer y rôl hon yw 09 Tachwedd 2025 a chynhelir y cyfweliadau yn ystod yr wythnos yn cychwyn 17 Tachwedd 2025.

Gall sefydliadau eraill alw'r rôl hon yn Gyfarwyddwr Cyfathrebu, Pennaeth Materion Allanol, Cyfarwyddwr Polisi, neu Gyfarwyddwr Cynorthwyol Cysylltiadau Allanol.

Gellir gwneud addasiadau rhesymol ar unrhyw gam o'r broses recriwtio ar gyfer ymgeiswyr ag anabledd, nam neu gyflwr iechyd, er enghraifft sy'n niwro-amrywiol neu sy'n defnyddio Iaith Arwyddion Prydain. Cysylltwch â'r Tîm AD i drafod addasiadau ar gyfer unrhyw ran o'r broses.

Rhaid i chi fod wedi'ch lleoli yn y DU i wneud cais am y rôl hon a gallu ymweld ag un o'r swyddfeydd a nodwyd pan fo angen.

Felly, os ydych chi'n barod i ymuno â Gofal Cymdeithasol Cymru fel Cyfarwyddwr Cynorthwyol Cyfathrebu Strategol, Ymgysylltu a Pholisi, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Y gwasanaethau a hysbysebir gan Webrecruit yw gwasanaethau Asiantaeth Gyflogaeth.