Amdanom Ni

Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.
Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.
Er mwyn gwneud hyn, rydym yn arwain ar ddatblygu a rheoleiddio'r gweithlu gofal cymdeithasol, gwella gwasanaethau, data ac ymchwil i wella gofal.

Y Rôl

Mae'r Rheolwr Gofal Cymdeithasol Plant yn rhan o dîm cymorth yr Awdurdod Lleol o fewn yr adran cefnogi a gwella gwasanaethau. Bydd deiliad y swydd yn chwarae rhan allweddol wrth gynllunio a chyflawni prosiectau sy'n cefnogi trawsnewid gwasanaethau plant i wella canlyniadau i blant a phobl ifanc. Byddant yn rheoli prosiectau, yn cynnal perthnasoedd gwaith effeithiol â rhanddeiliaid mewnol ac allanol ac yn cefnogi gweithgaredd ymgysylltu â phartneriaid allweddol. Byddant hefyd yn cefnogi ymgysylltu â'r sector ac yn datblygu mentrau yn enwedig mewn perthynas â chefnogi'r gwaith i ddileu elw o ddarpariaeth breswyl i blant.

Cynigir y rôl hon gydag opsiynau gweithio hyblyg, ac rydym yn hapus i ystyried trefniadau rhannu swyddi. Mae'r rôl hon yn un tymor penodol tan 31 Mawrth 2027.

Prif ddyletswyddau
• Rheoli a chyflawni gwaith prosiect o fewn terfyn amser, wedi'i bennu gan anghenion ac ymgysylltu â'r sector, i gefnogi ein hymateb i'r agenda trawsnewid gwasanaethau plant.
• Cydlynu cyfleoedd dysgu er enghraifft, Modelau o ddigwyddiadau gofal ar gyfer gofal plant preswyl.
• Cefnogi'r gwaith o gyflawni gwaith traws-raglen, er enghraifft, ein rhaglenni sy'n ymwneud â diogelu, diwylliannau cadarnhaol ac arweinyddiaeth.
• Rheoli'r cynnwys a'r adnoddau dysgu sydd ar gael ar ein gwefan i gefnogi'r rhai sy'n darparu gwasanaethau i blant. Cydlynu lledaenu'r wybodaeth i'r gweithlu yn y meysydd hyn
• Gweithio gyda chydweithwyr ymchwil a data i flaenoriaethu a chefnogi crynodebau data a thystiolaeth, sy'n cefnogi heriau allweddol y sector ac yn llywio gwneud penderfyniadau.
• Cynorthwyo i gynhyrchu, datblygu a gweithredu offer ac adnoddau sy'n anelu at gefnogi gweithlu'r plant a gwella ymarfer.
• Sefydlu perthnasoedd rhagorol ar draws gofal cymdeithasol plant, gwrando ar gydweithwyr yn y sector i ddeall anghenion. Cymryd rhan mewn trafodaethau cymhleth mewn ffordd sensitif a chanolbwyntio ar ddatrysiadau.
• Cefnogi ymgysylltiad effeithiol â gweithwyr gofal cymdeithasol, rheolwyr a chyflogwyr i hysbysu, datblygu a gweithredu ein hymateb i'r agenda trawsnewid gwasanaethau plant.
• Gweithio i dargedau cyraeddadwy o fewn cylch busnes Gofal Cymdeithasol Cymru a monitro ac adrodd ar ganlyniadau.
• Rheoli perthnasoedd (cenedlaethol a rhanbarthol) i wneud y mwyaf o ymgysylltiad â'r sector, gan gefnogi diwylliant o wrando a gweithio ar y cyd.
• Paratoi a chyflwyno adroddiadau a chyflwyniadau o ansawdd uchel yn ôl yr angen i ystod o fyrddau a phartneriaid mewnol ac allanol.

Y dyddiad cau ar gyfer y rôl hon yw 26 Mai 2026.

Rhaid i chi fod wedi'ch lleoli yn y DU i wneud cais am y rôl hon a gallu ymweld ag un o'r swyddfeydd a nodwyd pan fo angen.

Y Manteision

- Cyflog o £49,698 - £54,687 pro rata
- 28 diwrnod o wyliau ynghyd â gwyliau banc (pro rata)
- Cynllun pensiwn llywodraeth leol
- Polisi gwaith hyblyg
- Gweithio hybrid o adref a'n swyddfa yn ôl yr angen
- Polisi absenoldeb teuluol

Gellir gwneud addasiadau rhesymol ar unrhyw gam o'r broses recriwtio ar gyfer ymgeiswyr ag anabledd, nam neu gyflwr iechyd, er enghraifft sy'n niwro-amrywiol neu sy'n defnyddio Iaith Arwyddion Prydain. Cysylltwch â'r Tîm AD i drafod addasiadau ar gyfer unrhyw ran o'r broses.

Amdanom Ni

Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.
Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.
Er mwyn gwneud hyn, rydym yn arwain ar ddatblygu a rheoleiddio'r gweithlu gofal cymdeithasol, gwella gwasanaethau, data ac ymchwil i wella gofal.

Y Rôl

Rydym yn chwilio am Swyddog Addasrwydd i Ymarfer (AiY) i weithio o fewn y tîm Brysbennu i brosesu gwybodaeth a dogfennau sensitif, ceisiadau i'r gofrestr sydd wedi'u cyfeirio at AiY, ac i ymchwilio i achosion ynghylch gweithwyr gofal cymdeithasol proffesiynol cofrestredig gan wneud argymhellion ynghylch sut i ddatrys achosion. Mae hyn yn cynnwys gweithio gyda'r Heddlu, awdurdodau lleol, Arolygiaeth Gofal Cymru a chyflogwyr gofal cymdeithasol. Mae'n waith heriol ac rydym yn ceisio mynd i'r afael ag ef mewn ffordd deg a thosturiol.

Cynigir y rôl hon gydag opsiynau gweithio hyblyg, ac rydym yn hapus i ystyried trefniadau rhannu swyddi. Mae’r swydd yma’n swydd Tymor Penodol tan 31 Mawrth 2027.

Prif ddyletswyddau
• Asesu risg datganiadau a wneir gan Ymgeiswyr ar geisiadau i gofrestru o dan Reolau Gofal Cymdeithasol Cymru (Cofrestru)
• Ymchwilio i ddatganiadau a wneir ar geisiadau i adnewyddu i'r gofrestr gofal cymdeithasol - cylch 3 blynedd, o dan Reolau Gofal Cymdeithasol Cymru (Cofrestru)
• Gweithio fel rhan o'r tîm Addasrwydd i Ymarfer Brysbennu i ddarparu ffynhonnell gychwynnol o gyngor i atgyfeirwyr, ymgeiswyr a gweithwyr cofrestredig a'u hymgyfarwyddo â'r broses addasrwydd i ymarfer
• Cyflwyno asesiadau risg am Ymgeiswyr i gyfarfodydd penderfynu achos i lywio penderfyniadau am gofrestru ac adnewyddu
• Paratoi asesiadau risg ar atgyfeiriadau gan gynnwys y rhai nad ydynt wedi cyrraedd trothwy ar gyfer ymchwiliad a chofnodi yn y system rheoli achosion.
• Cyflwyno asesiadau risg ar Bersonau Cofrestredig gydag argymhellion ar gyfer cyfarwyddyd a gwaredu
• Cynorthwyo Uwch Swyddogion AIY gyda'r broses atgyfeiriadau anghyflawn lle nad oes digon o wybodaeth i asesu risg a symud ymlaen â'r atgyfeiriad. Sicrhau cyswllt ffôn cyflym â'r cyfeiriwr i ddatblygu gwybodaeth.
• Paratoi adroddiadau ar gyfer y canlynol:
· Cynadleddau achos cofrestru lle mae'r argymhelliad i wrthod cofrestru
· Paneli apêl cofrestru
· Paneli AIY Symlach ar gyfer achosion gwaharddedig DBS ac euogfarn

Os ydych chi'n meddwl mai chi yw'r person delfrydol ar gyfer y rôl, edrychwch ar y swydd ddisgrifiad am ragor o wybodaeth.

Y dyddiad cau ar gyfer y rôl hon yw 31 Mai 2026.

Rhaid i chi fod wedi'ch lleoli yn y DU i wneud cais am y rôl hon a gallu ymweld ag un o'r swyddfeydd a nodwyd pan fo angen.

Y Manteision

- Cyflog o £36,948 - £39,066 pro rata
- 28 diwrnod o wyliau ynghyd â gwyliau banc (pro rata)
- Cynllun pensiwn llywodraeth leol
- Polisi gwaith hyblyg
- Gweithio hybrid o gartref a'n swyddfa yn ôl yr angen
- Polisi absenoldeb teuluol

Gellir gwneud addasiadau rhesymol ar unrhyw gam o'r broses recriwtio ar gyfer ymgeiswyr ag anabledd, nam neu gyflwr iechyd, er enghraifft sy'n niwro-amrywiol neu sy'n defnyddio Iaith Arwyddion Prydain. Cysylltwch â'r Tîm AD i drafod addasiadau ar gyfer unrhyw ran o'r broses.

Amdanom Ni

Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.
Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.
Er mwyn gwneud hyn, rydym yn arwain ar ddatblygu a rheoleiddio'r gweithlu gofal cymdeithasol, gwella gwasanaethau, data ac ymchwil i wella gofal.

Y Rôl

Rydym yn chwilio am ddau Uwch Swyddog Addasrwydd i Ymarfer i weithio o fewn y tîm Addasrwydd i Ymarfer i gynnal ymchwiliadau rheoleiddiol annibynnol i addasrwydd gweithwyr i aros ar y gofrestr gofal cymdeithasol. Mae gwaith Uwch Swyddog Addasrwydd i Ymarfer yn cynnwys cynnal ymchwiliadau i honiadau ffurfiol a chwynion a wnaed yn erbyn gweithwyr cymdeithasol cofrestredig, myfyrwyr gwaith cymdeithasol a gweithwyr gofal cymdeithasol. Hefyd, maent yn gwneud argymhellion ar achosion a pharatoi dogfennaeth achos i swyddogion a phaneli wneud penderfyniadau ar sut i'w datrys. Mae hyn yn cynnwys gweithio gyda'r Heddlu, awdurdodau lleol, y Tribiwnlys Safonau Gofal, Arolygiaeth Gofal Cymru a chyflogwyr gofal cymdeithasol.

Cynigir y swyddi yma gydag opsiynau gweithio hyblyg, ac rydym yn hapus i ystyried trefniadau rhannu swyddi. Mae’r swyddi yma’n swyddi Tymor Penodol tan 31 Mawrth 2027.

Prif ffocws y rôl hon yw:
• Gweithredu fel ffynhonnell gyngor cychwynnol i bobl gofrestredig, cyflogwyr ac aelodau o'r cyhoedd sy'n gwneud atgyfeiriadau.
• Cynnal ymchwiliadau i honiadau a wneir yn erbyn pobl gofrestredig.
• Darparu ymatebion i gyfeirwyr a phobl gofrestredig o fewn amserlen ddynodedig, gan gynnwys diweddariadau rheolaidd i bartïon perthnasol.
• Paratoi asesiadau risg ar achosion a gwneud argymhellion ar gyfer datblygu a chwblhau achosion.
• Mynychu cyfarfodydd gwneud penderfyniadau, yn ôl yr angen, i wneud argymhellion ar gyfer cwblhau achosion yn amserol.
• Cyfweld a rheoli tystion a chynhyrchu datganiadau tystion cywir fel rhan o dystiolaeth achos.
• Paratoi adroddiadau ar gyfer paneli ar gyfer gorchmynion dros dro cychwynnol ac adolygiadau.
• Paratoi ceisiadau i'r Tribiwnlys Safonau Gofal ar gyfer ymestyn gorchmynion dros dro.
• Llunio adroddiadau cryno i ddarparu trosolwg o achosion a honiadau, i arwain paneli sy'n eistedd ar wrandawiadau symlach.
• Cofnodi’r holl wybodaeth achos yn y system rheoli achosion mewn modd amserol, gan gynnwys asesiadau risg, lanlwytho tystiolaeth ddogfennol, gohebiaeth ac adroddiadau i sicrhau y gellir cynhyrchu ystadegau rheoli cywir.
• Sicrhau eich bod yn cadw at amserlenni statudol ac amserlenni sy'n gysylltiedig â llywodraethu gwaith achos fel rhan o sicrwydd achos.
• Gweithio gyda chyflogwyr i'w hymgyfarwyddo â'r broses addasrwydd i ymarfer, gofynion y Cod Ymarfer Proffesiynol ar gyfer Gofal Cymdeithasol a'r Cod Ymarfer Proffesiynol i Gyflogwyr.

Os ydych chi'n meddwl mai chi yw'r person delfrydol ar gyfer y swydd, edrychwch ar y swydd ddisgrifiad am ragor o wybodaeth.

Y dyddiad cau ar gyfer y swyddi yw 17 Mai 2026.

Rhaid i chi fod wedi'ch lleoli yn y DU i wneud cais am y rôl hon a gallu ymweld ag un o'r swyddfeydd a nodwyd pan fo angen.

Y Manteision

- Cyflog o £41,726 - £46,869 pro rata
- 28 diwrnod o wyliau ynghyd â gwyliau banc (pro rata)
- Cynllun pensiwn llywodraeth leol
- Polisi gwaith hyblyg
- Gweithio hybrid o gartref a'n swyddfa yn ôl yr angen
- Polisi absenoldeb teuluol

Gellir gwneud addasiadau rhesymol ar unrhyw gam o'r broses recriwtio ar gyfer ymgeiswyr ag anabledd, nam neu gyflwr iechyd, er enghraifft sy'n niwro-amrywiol neu sy'n defnyddio Iaith Arwyddion Prydain. Cysylltwch â'r Tîm AD i drafod addasiadau ar gyfer unrhyw ran o'r broses.