Cydlynydd Cymorth Busnes Cymraeg Hanfodol
Caerdydd (polisi gweithio hybrid ar waith)

Amdanom Ni

Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.

Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.

I wneud hyn, rydym yn arwain ar ddatblygu a rheoleiddio'r gweithlu gofal cymdeithasol, gwella gwasanaethau, data ac ymchwil i wella gofal.

Y Manteision

- Cyflog o £30,615 - £33,103 pro rata
- 28 diwrnod o wyliau ynghyd â gwyliau banc (pro rata)
- Cynllun pensiwn llywodraeth leol
- Polisi gwaith hyblyg
- Gweithio hybrid o gartref ac o'n swyddfa yn ôl yr angen
- Polisi absenoldeb teuluol

Y Rôl

Fel Cydlynydd Cymorth Busnes byddwch yn darparu cymorth prosiect i'n prosiectau, grwpiau prosiect, rhwydweithiau a phartneriaethau.

Gan gydlynu cynllunio prosiect, byddwch yn darparu cymorth gweinyddol i gyfarfodydd ac yn sefydlu a chynnal systemau gweinyddol, gweithdrefnau a chronfeydd data.

Byddwch hefyd yn drafftio ac yn dosbarthu papurau, manylebau a chynlluniau ac yn sicrhau cysondeb tôn, brandio a chyfieithu.

Yn ogystal, byddwch yn:

- Coladu data a dadansoddi canlyniadau
- Trefnu digwyddiadau a chyfarfodydd
- Adolygu a diweddaru cynnwys y fewnrwyd a'r wefan

Amdanoch Chi

- Rhuglder yn y Gymraeg a'r Saesneg
- Profiad o weinyddu busnes
- Profiad o ddarparu cymorth gweinyddol mewn cyfarfodydd, gan gynnwys cymryd cofnodion
- Gwybodaeth o'r sector cyhoeddus
- Rheoli amser a blaenoriaeth effeithiol
- Sgiliau trefnu a chyfathrebu ysgrifenedig rhagorol
- Hyfedredd TG, gan gynnwys Teams a Zoom

Mae’n hanfodol bod deiliad y swydd yn gallu cyflawni pob tasg a chyfrifoldeb gyda hyfedredd cyfartal yn y Gymraeg a’r Saesneg.

Y dyddiad cau ar gyfer y rôl hon yw 13 Tachwedd 2026.

Gellir gwneud addasiadau rhesymol ar unrhyw gam o'r broses recriwtio ar gyfer ymgeiswyr ag anabledd, nam neu gyflwr iechyd, er enghraifft sy'n niwro-amrywiol neu sy'n defnyddio Iaith Arwyddion Prydain. Cysylltwch â'r Tîm AD i drafod addasiadau ar gyfer unrhyw ran o'r broses.

Rhaid i chi fod wedi'ch lleoli yn y DU i wneud cais am y rôl hon a gallu ymweld ar swyddfa yng Nghaerdydd pan fo angen.