Amdanom Ni

Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.
Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.
Er mwyn gwneud hyn, rydym yn arwain ar ddatblygu a rheoleiddio'r gweithlu gofal cymdeithasol, gwella gwasanaethau, data ac ymchwil i wella gofal.

Y Rôl

Rydym yn edrych i benodi Cydlynydd Cyfryngau Cymdeithasol a Chyfathrebu ar gytundeb tymor penodol tan 30 Tachwedd 2027. Byddwch yn gyfrifol am gefnogi ein cyfryngau cymdeithasol ac adrodd ar ei berfformiad yn ogystal âg ysgrifennu a gofalu am yr e-fwletin rheolaidd sy’n cael ei anfon gennym at bron i 70,000 o bobl. Byddwch hefyd yn cefnogi gwaith y tîm ym maes cyfryngau a materion cyhoeddus.

Pwrpas y swydd

Pwrpas y Cydlynydd Cyfryngau Cymdeithasol a Chyfathrebu yw:

• datblygu a gweithredu cynllun ac amserlen ddiddorol ar gyfer y cyfryngau cymdeithasol ar gyfer y flwyddyn gan ateb anghenion ein cynulleidfaoedd, a chydlynu ein hymgysylltiad drwy’r cyfryngau cymdeithasol
• datblygu a rhoi templedi ar waith ar gyfer adrodd ar berfformiad ein cynnwys, ein sianeli a’n hymgyrchoedd, a chydlynu’r adroddiadau hynny’n fisol, yn chwarterol, yn flynyddol ac yn ad-hoc
• ysgrifennu, adeiladu a chyhoeddi’r e-fwletin i’r Gofrestr ac i’n rhanddeiliaid, gan fesur ei pherfformiad er mwyn ei wella’n barhaus
• cefnogi gwaith ar y cyfryngau a materion cyhoeddus, diweddaru ein rhestrau cysylltiadau, a llunio ac anfon diweddariadau gwleidyddol bob pythefnos
• monitro blychau derbyn y tîm marchnata a chyfathrebu a chefnogi’r tîm gyda thasgau ad-hoc

Cynigir y rôl hon gydag opsiynau gweithio hyblyg, ac rydym yn hapus i ystyried trefniadau rhannu swyddi. Sylwch fod y swydd hon yn un hanfodol y Gymraeg.

Prif gyfrifoldebau

• datblygu, adolygu a chyhoeddi canllawiau ar y cyfryngau cymdeithasol a’r arferion gorau
• cydlynu ein hymgysylltiad drwy’r cyfryngau cymdeithasol drwy fonitro ein sianeli, ymgysylltu â chyfrifon eraill, a thynnu sylw’r swyddog cynnwys perthnasol at unrhyw sylwadau a negeseuon, lle bo hynny’n briodol
• cael yr wybodaeth ddiweddaraf am dueddiadau a’r arferion gorau ar y cyfryngau cymdeithasol, a gwneud argymhellion i’r uwch reolwr a phennaeth marchnata a chyfathrebu ynglyn â sut y gallem wella ein llwyfannau
• gweithio gydag aelodau o’r tîm marchnata a chyfathrebu i gydlynu’r gwaith o adrodd ar berfformiad ymgyrchoedd uchel eu proffil, fel y Gwobrau, Wythnos Gwaith Cymdeithasol ac arolwg Dweud eich dweud
• rhannu’r adroddiadau perfformiad gyda’r tîm marchnata a chyfathrebu, staff a’r uwch dîm rheoli
• chwilio am ffyrdd creadigol o wella’r e-fwletin a defnyddio profion A/B i roi cynnig ar wahanol ddulliau
• monitro’r cyfryngau yn wythnosol a rhannu unrhyw straeon sydd o ddiddordeb gyda’r tîm marchnata a chyfathrebu a’r uwch dîm rheoli
• cefnogi’r tîm drwy yrru datganiadau i’r wasg
• creu rhestr o gysylltiadau cyfathrebu a’u hadolygu bob chwe mis, gan sicrhau ei bod yn cael ei diweddar
• cefnogi’r gwaith materion cyhoeddus, yn ôl yr angen
• monitro’r ebyst ym mlychau derbyn y cylchlythyr, y ceisiadau cyfathrebu a’r Gwobrau bob dydd a gweithredu ar unrhyw negeseuon

Y dyddiad cau ar gyfer y rôl hon yw 18 Hydref 2026 a chynhelir y cyfweliadau wyneb yn wyneb yn ein swyddfa yng Nghaerdydd yn ystod yr wythnos sy’n cychwyn 9 Tachwedd 2026.

Rhaid i chi fod wedi'ch lleoli yn y DU i wneud cais am y rôl hon a gallu ymweld ag un o'r swyddfeydd a nodwyd pan fo angen.

Y Manteision
• Cyflog o £30,615 - £33,103 (pro rata os yn rhan amser)
• 28 diwrnod o wyliau ynghyd â’r gwyliau banc, yn ychwanegol i 3 diwrnod braint i’w gymryd ar amser penodedig (pro rata os yn rhan amser)
• 28 diwrnod yn codi i 29 diwrnod ar ôl 3 blynedd o wasanaeth, a 30 diwrnod ar ôl 5 mlynedd o wasanaeth.
• Mae cynllun prynu gwyliau blynyddol ychwanegol gennym ni hefyd
• Cynllun pensiwn llywodraeth leol
• Polisi gwaith hyblyg
• Gweithio hybrid o adref ac o'n swyddfa yn ôl yr angen
• Rhaglen Cymorth i Weithwyr
• Cynllun Buddion i Weithwyr, gan gynnwys cynlluniau beicio i'r gwaith a chynlluniau buddion ceir yn ogystal âg arbedion gyda channoedd o siopau
• Polisiau absenoldeb teuluol

Gellir gwneud addasiadau rhesymol ar unrhyw gam o'r broses recriwtio ar gyfer ymgeiswyr ag anabledd, nam neu gyflwr iechyd, er enghraifft sy'n niwro-amrywiol neu sy'n defnyddio Iaith Arwyddion Prydain. Cysylltwch â'r Tîm AD i drafod addasiadau ar gyfer unrhyw ran o'r broses.

Amdanom Ni

Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.
Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.
Er mwyn gwneud hyn, rydym yn arwain ar ddatblygu a rheoleiddio'r gweithlu gofal cymdeithasol, gwella gwasanaethau, data ac ymchwil i wella gofal.

Y Rôl

Mae’r Cyfarwyddwr Cymorth Gwasanaethau a Gwelliant yn aelod o Dîm Rheoli Gweithredol Gofal Cymdeithasol Cymru ac mae’n rhoi arweiniad strategol i’n gweithgareddau gwella gwasanaethau, ymchwilio, defnyddio data ac arloesi.
Mae’r swydd hon yn gyfle pwysig i wella a datblygu’r gefnogaeth sydd ar gael i wasanaethau gwaith cymdeithasol, gofal cymdeithasol, blynyddoedd cynnar a gofal plant yng Nghymru, ac yn y pendraw i wella’r gofal a’r cymorth a roddir i unigolion yng Nghymru.
Mae hon yn swydd arweinyddiaeth bwysig ym maes gofal cymdeithasol yng Nghymru, a disgwylir i ddeilydd y swydd ddarparu arweinyddiaeth systemau sylweddol ar draws y sector.

Byddwn yn ymgynghori ar ein cynllun strategol newydd yn Chwarter 3 2026/27, ochr yn ochr â’r broses recriwtio hon. Mae’r cynllun drafft yn canolbwyntio ar y tri amcan strategol isod.
1. Cefnogi rhagoriaeth ar draws gwasanaethau gofal cymdeithasol
2. Creu gweithlu gofal cymdeithasol a gweithlu blynyddoedd cynnar medrus a gwerthfawr
3. Creu’r dyfodol gorau posibl ar gyfer gofal cymdeithasol

Ochr yn ochr â chynllun strategol Gofal Cymdeithasol Cymru sy’n ein harwain, mae gennym hefyd ddwy strategaeth sector-cyfan, benodol sy’n ategu ein gwaith, ac y mae deilydd y swydd hon yn darparu goruchwyliaeth a chyfarwyddyd strategol ar eu cyfer:
• Ymlaen ein strategaeth hirdymor ar gyfer gwella gofal cymdeithasol yng Nghymru. Mae’n datgan ein gweledigaeth i’r bobl sy’n arwain, yn datblygu ac yn cyflawni gofal cymdeithasol deimlo’n hyderus, yn ysbrydoledig a bod ganddynt gefnogaeth i ddefnyddio tystiolaeth a datblygiadau arloesol i wneud gwahaniaeth cadarnhaol i ofal a chymorth yng Nghymru.
• Strategaeth y Gweithlu Iechyd a Gofal Cymdeithasol, sy’n cael ei hategu gan gynllun cyflawni ar gyfer y gweithlu sy’n datgan sut byddwn yn cefnogi’r gweithlu gofal cymdeithasol i fod yn fedrus, yn hyderus ac yn abl i fodloni’r galw newidiol.

Mae deilydd y swydd hon hefyd yn gyfrifol am y gwaith a wnawn ar yr Ymagwedd Strategol at Ddata Gofal Cymdeithasol.

Cynigir y rôl hon gydag opsiynau gweithio hyblyg, ac rydym yn hapus i ystyried trefniadau rhannu swydd.

Prif ddyletswyddau:
• Arwain a datblygu’r Gyfarwyddiaeth Cymorth Gwasanaethau a Gwelliant er mwyn cael yr effaith orau ar draws y sector gofal cymdeithasol sy’n cydymffurfio’n gyfreithiol ac sy’n adeiladu ar ymyriadau sy’n seiliedig ar dystiolaeth
• Fel aelod allweddol o’r Tîm Rheoli Gweithredol, bod yn arweinydd ar draws sefydliadau i ddatblygu a chyflawni’r blaenoriaethau a’r nodau strategol
• Rhoi arweiniad a chyfarwyddyd strategol i’r gwaith o ddatblygu a rheoli adnoddau a chyllidebau er mwyn helpu i sicrhau bod ein gweledigaeth yn cael ei chyflawni’n effeithiol
• Meithrin dulliau newydd ac arloesol o gefnogi’r sector i gyflawni ymrwymiadau Deddf Gwasanaethau Cymdeithasol a Llesiant Cymru
• Gweithio gyda’ch cydweithwyr yn y Tîm Rheoli Gweithredol a’r Bwrdd i bennu’r cyfeiriad strategol ac arwain ar weithredu gweithgareddau eu maes gwaith yn unol â gweledigaeth, diben a gwerthoedd Gofal Cymdeithasol Cymru
• Cyflawni rôl a chylch gorchwyl Gofal Cymdeithasol Cymru, ynghyd â’i gyfrifoldebau statudol fel Corff a Noddir gan Lywodraeth Cymru, yn unol â’r polisi a’r arfer gorau
• Goruchwylio’r gwaith o gynllunio cynigion ar gyfer meysydd cyfrifoldeb sy’n llifo o’r Cynllun Busnes blynyddol a strategol, creu cynlluniau cyflawni a sicrhau’r effaith orau a’r gwerth gorau am arian
• Arwain a rheoli staff y Gyfarwyddiaeth yn uniongyrchol, gan eu galluogi i berfformio hyd eithaf eu potensial.
• Cefnogi uchelgeisiau Cynllun Cydraddoldeb Strategol Gofal Cymdeithasol Cymru i sefydlu agwedd wrth-wahaniaethol ar draws gwaith y Gyfarwyddiaeth, a sefydlu egwyddorion Cydraddoldeb, amrywiaeth a chynhwysiant ym mhob elfen o’r swydd
• Cyfrannu at arweinyddiaeth systemau i chwilio am atebion i heriau wrth ddarparu gwasanaethau, fel arwain ein rôl yn y trawsnewid Digidol ym maes Gofal Cymdeithasol
• Rheoli perthnasoedd er mwyn gallu meithrin y cysylltiad gorau posibl â’r sector, gan feithrin diwylliant o wrando, clywed oddi wrth unigolion sydd â phrofiad bywyd, cyflogwyr, ac awdurdodau lleol, gan weithio drwy gydweithio bob tro.
• Sicrhau y ceir prosesau rheoli perfformiad effeithiol a threfniadau effeithiol ar gyfer adrodd ar berfformiad i sicrhau atebolrwydd a thryloywder gweithgareddau, canlyniadau ac effaith
• Glynu wrth drefniadau llywodraethu Gofal Cymdeithasol Cymru, ac ymrwymo i gyflawni gweledigaeth ac uchelgais “un sector cyhoeddus”.
• Ymateb a gwneud adroddiadau ar ymarferiadau craffu ar weithgareddau busnes a strategol yr adran, ar gyfer y Bwrdd a Llywodraeth Cymru

Y dyddiad cau ar gyfer y rôl hon yw 05 Hydref 2026 a chynhelir y cyfweliadau a'r broses asesu, wyneb yn wyneb yn ein swyddfa yng Nghaerdydd ar 19 Hydref 2026.

Rhaid i chi fod wedi'ch lleoli yn y DU i wneud cais am y rôl hon a gallu ymweld ag un o'r swyddfeydd a nodwyd pan fo angen.

Y Manteision
• Cyflog o £96,854 - £108,790 (pro rata os yn rhan amser)
• 30 diwrnod o wyliau ynghyd â’r gwyliau banc, yn ychwanegol i 3 diwrnod braint i’w gymryd ar amser penodedig (pro rata os yn rhan amser)
• Mae cynllun prynu gwyliau blynyddol ychwanegol gennym ni hefyd
• Cynllun pensiwn llywodraeth leol
• Polisi gwaith hyblyg
• Gweithio hybrid o adref ac o'n swyddfa yn ôl yr angen
• Rhaglen Cymorth i Weithwyr
• Cynllun Buddion i Weithwyr, gan gynnwys cynlluniau beicio i'r gwaith a chynlluniau buddion ceir yn ogystal âg arbedion gyda channoedd o siopau
• Polisiau absenoldeb teuluol

Gellir gwneud addasiadau rhesymol ar unrhyw gam o'r broses recriwtio ar gyfer ymgeiswyr ag anabledd, nam neu gyflwr iechyd, er enghraifft sy'n niwro-amrywiol neu sy'n defnyddio Iaith Arwyddion Prydain. Cysylltwch â'r Tîm AD i drafod addasiadau ar gyfer unrhyw ran o'r broses.